Пры працах па здабычы леса дарога да дачнага пасёлка "Тэкстыльшчык" аказалася раз'езджаная і разбітая. У выніку людзі, пераважна пенсіянеры, не маглі спакойна даехаць да сваіх лецішчаў. Яны калектыўна звярнуліся да старшыні Аршанскага райвыканкама Ігара Ісачанкі ў гэтай справе і папрасілі таго вырашыць праблему. Адказ старшыні выканкама станоўчы — да 20-га жніўня дарогу адновяць. Аднаўленнем дарогі зоймецца Аршанскі лясгас, які і праводзіў работы па здабычы леса.
Такім чынам, старшыня Аршанскага райвыканкама Ігар Ісачанка разам з падначаленымі дапамог у вырашэнні праблемы. А дэпутаты ўсіх узроўняў не маглі адказаць дачнікам нешта ўцямнае, ніякай карысці ад зваротаў да іх дачнікі не атрымалі.
