У выхадныя дні Дзяржаўтаінспекцыя правядзе масіраваную адпрацоўку трас М1 (Берасце - Менск - мяжа Расейскай Федэрацыі) і М3 (Менск - Віцебск) у межах Талачынскага, Віцебскага, Аршанскага, Дубровенскага, Лепельскага, Докшыцкага і Бешанковіцкага раёнаў.
Супрацоўнікі ДАІ будуць кантраляваць выкананне кіроўцамі патрабаванняў Правілаў дарожнага руху. Асаблівую ўвагу нададуць выкананню хуткасных рэжымаў, правілаў перавозкі пасажыраў (у асаблівасці дзяцей), выяўленню нецвярозых кіроўцаў і асоб, якія не маюць або пазбаўлены права кіравання транспартнымі сродкамі, а таксама спыненню парушэнняў ПДР пешаходамі, раварыстамі і кіроўцамі мотатранспарта.
