Чым жа чытачы Orsha.eu найболей цікавіліся ў апошнім месяцы 2024 году, а фактычна зусім нядаўна, пару месяцаў таму ад сённяшняга дня?

Шмат прачытанняў сабраў артыкул пра 90-годдзе забойства Кірава. Савецкага чыноўніка, які не меў ніякага дачынення да Беларусі, але ў Воршы яму стаіць памятнік, забілі ў Ленінградзе ў 1934 годзе, і наш матэрыял стаў адным з найбольш чытаных за месяц. У той жа час камуністаў сучаснасці сталі судзіць пры рэжыме Лукашэнкі, хоць яны і выказвалі яму сваю падтрымку. Пад суд трапіў Дзмітрый Белашоў, які выхваляецца сваімі камуністычнымі поглядамі і падтрымкай Лукашэнкі. Гэта ўсё адно не ўратавала яго ад суду.

Пад Лёзнам алабай атакаваў гаспадыню, падзея выклікала немалы розгалас. А кіроўца горацкай маршруткі выехаў на рэйс п’яны. Такога работніка знялі з «прабегу».

Палітычнага зняволенага блогера Змітра Казлова асудзілі, не выпускаючы з калоніі.

Пад Воршай разбіліся Саладухі, бацька і сын. Але выжылі ў аварыі.

З’явіўся ўнікальны сайт пра беларускае манументальнае мастацтва, з трыма прыкладамі з Аршаншчыны і Гораччыны. Яшчэ з мастацкага — згадку Аршанскай бітвы знайшлі на малавядомым помніку ў Варшаве. А ў Рыме аршанцы прайшліся па месцах дабраславёнай Цэліны Бажэнцкай з Антавілю.

Былі і навіны крыміналу — у Аршыцы знайшлі цела пенсіянера, а бухгалтарцы, якая выкрала грошы з чыгуначнага каледжу і патраціла іх на зніжэнне вагі і змену гардэроба, вынеслі прысуд.

Вынікі-2024:

Студзень

Люты

Сакавік

Красавік

Травень

Чэрвень

Ліпень

Жнівень

Верасень

Кастрычнік

Лістапад