У 26-м туры чэмпіянату Беларусі сярод каманд Першай лігі, на Гарадскім стадыёне "Орша" прымала супернікаў з пінскай "Хвалі". На жаль, паказаць якасны і галявы футбол не ўдалося ніводнай з каманд. Сустрэча скончылася нулявой нічыёй. Больш за ўсё ад страце пунктаў павінны шкадаваць аршанцы, у якіх балаў амаль удвая больш, чым у пінчукоў. "Хваля" цягам матчу гуляла досыць груба, чым кампенсоўвала недахоп майстэрства. У выніку гэта скончылася выдаленнем гульца гасцей на апошніх хвілінах сустрэчы. Камандзе Сяргея Вехцева так і не ўдалося ніводнага разу забіць у браму палескай дружыны. Серыя "Оршы" без перамог складае ўжо 3 матчы, у выніку нашы гульцы апынуліся на 10-й пазіцыі. Сіня-белым засталіся матчы толькі з камандамі, якія ідуць вышэй у табліцы, што не дае вялікіх спадзеваў на тое, што каманда Вехцева фінішуе ў сёлетнім чэмпіянаце вышэй за 10-е месца сярод 15 каманд.
