Орша, Спорт

«Вітэн» у паўфінале!

20.12.2019 09:22

2706 праглядаў, 0 каментароў

Аршанскі «Вітэн» перамог «Дарожнік» у другім матчы і выйшаў у паўфінал Кубка краіны.

У першым матчы 1/4 фіналу аршанскаму "Вітэну" на сваёй пляцоўцы не ўдалося перагуляць сталічны "Дарожнік". Дапамаглі чужыя сцены. Аршанцы выйшлі вельмі матываванымі на другую сустрэчу і не пакінулі "Дарожніку" шанцаў прабіцца ў паўфінал. Ужо на 4-й хвіліне мяч пабываў у абедзьвюх брамах. У абодвух выпадках аўтарам галоў быў футбаліст "Дарожніка" Цвірко. Спачатку ён зрэзаў мяч у сетку свайго брамніка Шчэрбачэні, а праз секунды забіў у браму вартавога аршанцаў Чурыліна - 1:1. Далей у матчы забівалі толькі аршанцы. На 15-й хвіліне Рабыка, праз дзве хвіліны Батурын, і нарэшце на 26-й Гусакоў падкрэслілі перавагу "Вітэна". Перамога 4:1, а з ёй і выхад у 1/2 фіналу Кубка Беларусі.