У Плане абароны краіны і Канцэпцыі будаўніцтва і развіцця Узброеных Сіл да 2030 года, зацверджаных нядаўна Лукашэнкам, адной з найважнейшых складнікаў ваеннай бяспекі называецца наяўнасць у Рэспублікі Беларусь сучасных узбраенняў і сродкаў вядзення ўзброенай барацьбы. Адпаведна, у Аршанскім раёне каля двух гадоў таму пачалі будаваць вытворчасць патронаў ад прадпрыемства "Белспецзнештэхніка". Яго генеральны дырэктар Аляксей Скрага падзяліўся інфармацыяй аб распрацоўках.
Скрага ў інтэрв'ю выданню Адміністрацыі прэзідэнта "СБ" распавёў, у прыватнасці, чаму вытворчасць зроблена ў Вусці Аршанскага раёна:
Даўно не запатрабаваная ў ВС база каля вёскі Вусце Аршанскага раёна падыходзіць па ўсіх параметрах забеспячэння бяспекі вытворчасці не толькі патронаў, але і стралковай зброі, ракет, боепрыпасаў, іншай прадукцыі ваеннага і двайнога прызначэння. Немалаважным фактарам, якія вызначылі выбар, было і тое, што ў бліжэйшых населеных пунктах пражывае нямала спецыялістаў, якія дзясяткі гадоў былі задзейнічаны на захоўванні і абслугоўванні боепрыпасаў і якіх зараз не трэба навучаць з нуля. Значную ролю адыграла і Праграма развіцця Аршанскага раёна на перыяд да 2023, зацверджаная Указам № 506. Сёння на прадпрыемстве ўжо працуюць 150 чалавек. Але гэта толькі пачатак, колькасць працоўных месцаў будзе расці. Так што разам з развіццём Аршанскага авіярамонтнага завода патронная вытворчасць — таксама наш ўклад у выкананне вышэйназванай праграмы.
Скрага заяўляе, што выкарыстоўваюцца выключна самыя новыя распрацоўкі станкоў. Прадукцыйнасць аднаго тыпу станкоў — 2400 патронаў у гадзіну, іншага — 3550. Усяго станкоў "крыху больш за дзесяць". Галоўнай задачай стаіць забяспечыць боепрыпасамі войска Беларусі, але важна рабіць і на продаж, каб былі валютныя паступленні.
Таксама Скрага пахваліўся замовамі, яны ў прадпрыемства ёсць:
Першыя партыі патронаў зроблены на экспарт і ўжо пастаўленыя заказчыку (больш за 5 мільёнаў штук пастаўленыя ў адну з еўрапейскіх краін). Гэта спартыўна-паляўнічыя боепрыпасы калібраў 7,62х54, 7,62х39 і 9х19. Пакупнік задаволены. Чакае адпраўкі чарговая вялікая партыя. Скажу больш: практычна кожны тыдзень да нас прыязджаюць замежныя дэлегацыі, глядзяць нашы патроны, і многія заказваюць іх. Не стану раскрываць падрабязнасці, але заказы ўжо ёсць на гады наперад. Мы можам цалкам закрыць уласныя патрэбы ў патронах па ўсіх напрамках - спартыўныя, паляўнічыя для наразной зброі, баявыя і, калі спатрэбяцца, будаўнічыя. Сёння камплектоўку закупляем у Расеі ў вытворцаў з сусветным імем. Новае прадпрыемства займаецца і аднаўленнем адслужыўшых свой тэрмін ракет Р-27.
