Чарговы суд за акцыі супраць "паглыбленнай інтэграцыі", якія праходзілі ў канцы мінулага году распачаўся на гэты раз у Шклове. Судзілі старшыню Партыі БНФ Рыгора Кастусёва, у якога шклоўская прапіска. Суд за акцыю 20 снежня павінен быў прайсці раней, але некалькі разоў пераносіўся з-за немагчымасці выклікаць у суд сведкаў-міліцыянтаў. Не атрымалася выклікаць сведкаў і на гэты раз, але суд пайшоў на незвычайную з'яву - выклікаў сведкаў на скайп-канферэнцыю. Па скайп-трансляцыі з Мінску міліцыянты падцвердзілі, што бачылі Кастусёва на акцыі. І за ўдзел у несанкцыянаванай вулічнай акцыі суд пакараў кіраўніка партыі 810 рублямі штрафу.
Дарэчы, літаральна за два дні да таго, 8-га студзеня Кастусёва затрымалі на мяжы Беларусі, калі ён з аднапартыйцамі ехаў з канферэнцыі «Гібрыдная вайна РФ супраць Беларусі» з Украіны.
