У свой час стадыён ручных гульняў Ільнокамбіната вабіў людзей, якія жылі непадалёк. Тут можна было пазаймацца спортам і добра адпачыць. Аднак у апошнія гады, як і з Паркам ільнокамбіната, усё было прыведзена ў запусценне, а на месцы стадыёна цяпер пустка. На траве сям-там валяюцца пустыя пляшкі з-пад гарэлкі і піва. Ад спартовага збудавання засталіся толькі металічны і бетонны платы, пазнавальная брама на ўваходзе. Тэлеграм-канал «Аршыца ультрас» выклаў некалькі свежых здымкаў у сеціва. Можна параўнаць гэта са старым здымкам, які паказвае, як выглядаў стадыён раней.
