"Кацюша" правяла па матчы ў суботу і нядзелю. У суботу ў Оршы дзяўчаты перагулялі "Перліну Палесся-ІІ" з Мазыра 3:2 (26:24 21:25 28:26 24:26 16:14). На наступны дзень сілаў ужо не хапіла, "Кацюша" ў Менску не склала асаблівай канкурэнцыі РДУАРУ, прагуляўшы 0:3 (21:25 12:25 14:25). Наперадзе яшчэ адзін матч, 21-га лютага дома з "Дружбай". Матч будзе асобна праанансаваны на сайце ў "Афішы мерапрыемстваў".
А вось праграма кругавога чэмпіянату для мужчын завершаная. У апошнім матчы аршанскі "Узлёт" на сваёй пляцоўцы пацярпеў паразу ад пастаўскага "Атланта" 1:3 (19:25 21:25 25:18 20:25). Аршанская каманда заняла 6-е месца ў табліцы. Цяпер надыходзіць чвэрцьфінальны этап турніру. У ім "Узлёт" згуляе з гомельскай "Энергіяй-ІІ". У серыі да 2 перамог каманды згуляюць першы матч у Гомелі, другі ў Оршы, трэці, калі спатрэбіцца, зноў у Гомелі. Пра даты матчаў будзе інфармацыя дадаткова.
