Шэраг хакейных спецыялістаў прадказвалі аршанскаму "Лакаматыву" паразу ў чвэрцьфінальнай серыі з менскім "Юнацтвам" 1-4. Аднак тыя, хто так лічыў, у выніку не мелі рацыі. 5-га сакавіка серыя і магла скончыцца з такім лікам, аднак чыгуначнікі мелі на гэты конт іншую думку. Шайба Артура Абмёткі зрабіла сваю справу. Акрамя таго, брамнік аранжава-сініх Сцяпанаў правёў матч "на нуль", што асабліва дзіўна з улікам таго, што "Лакаматыву" супрацьстаіць тытулаванае "Юнацтва". Цяпер лік серыі 2-3.
Бліжэйшы паядынак адбудзецца 7-га сакавіка а 16:30 у Оршы на Лядовай арэне. Акрамя таго, паядынак будзе паказаны па "Беларусь 5" у прамым эфіры.
