У суботу, 16-га траўня футбалісты "Оршы" прымуць на Гарадскім стадыёне "Граніт" з Мікашэвічаў. Сустрэча пачнецца а 16-й гадзіне. У папярэдніх чатырох турах сіня-белыя па разе перамаглі і прайгралі, а таксама двойчы згулялі ўнічыю. Аршанцы правялі 19 матчаў супраць клуба з Мікашэвічаў, у далёкім 1980 годзе была нават разгромная перамога над "Гранітам" 8:0. Але ў агульнай статыстыцы аршанцы саступаюць, яны выйгралі 7 матчаў і прайгралі 10 паядынкаў, піша сайт фанатаў "Оршы".
Варта адзначыць, што "Граніт" выдаў найгоршы старт чэмпіянату ў сваёй гісторыі: каманда ў Мікашэвічаў прайграла ўсе чатыры матчы.
