Частка аўтамабільнай дарогі Р76 Орша — Шклоў — Магілёў у Аршанскім раёне зачыняюць на капітальны рамонт. З 10 жніўня на месяц перакрываецца рух аўтамабільнага транспарту ў напрамку зоны адпачынку Шчацінка (з’езд з аўтадарогі Р76 на аўтадарогу Н3172). На гэты перыяд распрацавана часовая схема аб’езду перакрытага ўчастка па існуючых дарогах. У сувязі з капрамонтам зменіцца маршрут руху аўтобусаў і маршрутак. Так, прыгарадныя аўтобусы па маршрутах «Орша — Барань — Балбасава», «Орша — Гарбацэвічы», «Орша — Зубрэвічы» і «Орша — Барань» будуць адпраўляцца ад ГДК «Орша» і не будуць спыняцца на прыпынках «Мясакансервавы камбінат», «Шчацінка», «Целянцеева». Рэйсавы аўтобус № 13 «вул. Салянікава — Сельгастэхніка» часова не будзе заязджаць на прыпыначныя пункты «Падстанцыя Паўднёвая», «Мясакансервавы камбінат», «Шчацінка», «Кар’ер».
Акрамя таго, з 10 жніўня змяняецца расклад аўтобусаў Болбасаўскага напрамку, якія ідуць ад ГДК «Орша» па працоўных днях. Больш падрабязна пра гэта можна даведацца на сайце аўтобуснага парка № 3 Оршы.
