У канцы лютага ДАІ спыніла аршанца ў Горацкім раёне. Міліцыянты вырашылі праверыць ягоны аўтамабіль і выявілі ў салоне два паляўнічых карабіна. На ўсялякі выпадак праверылі і багажнік. А ў багажніку знайшлі плямы крыві. Стала зразумела, што гэта паляўнічы, які відавочна падбіў дзічыну. Хаця самога звера не было. Жывёлу знайшлі калі праехалі па маршруце аўтамабіля. Як выявілася, паляўнічы схаваў забітую ім касулю на збочыне дарогі.
У самога аршанца не было дазволу на паляванне. У сувязі з гэтым ужо зараз у яго канфіскаваныя аўтамабіль, два карабіна і пяць сцізорыкаў — усё што мела дачыненне, ці магло мець дачыненне да палявання. Забітую касулю следчыя ацанілі ў амаль 3,5 тысячы рублёў. Канфіскацыя — не адзінае пакаранне якое цяпер можа атрымаць аршанец. Незаконнае паляванне ў нас можа быць пакаранае пазбаўленнем волі на тры гады.
