Тое што ў сельскагаспадарчых арганзацыях краіны бываюць затрымкі заробка ў прынцыпе не сакрэт. З такім асабліва часта сутыкаюцца жыхары малых раёнаў. Але сяляне рэдка распавядаюць пра гэта. Дадзены выпадак не выключэнне ў затрымках заробку, але выключэнне ў тым, што знайшліся работнікі прадпрыемства якія ў адкрытую пра гэта распавялі.
Вялікі артыкул пра затрымку заробку ў гаспадарцы «Літусава» Сененскага раёна выйшаў на партале Tut.by. Першая хто асмелілася распавесці пра прабелму — мясцовая вартаўніца Ўладзіслава Равяка. Раней яна была даяркай на гэтым прадпрыемстве, але па стане здароўя мусіла перайсці на больш лёгкую пасаду. Хаця сказаць, што яна працуе лёгка складана — ахоўваць даводзіцца 12 аб’ектаў, працуе без выходных і святаў. А акрамя простага абыходу тэрыторыі начной варатўніцы даводзіцца даваць корм жывёле, прымаць начныя роды ды і іншае. За гэта яна мусіць атрымліваць 400 рублёў «бруднымі» — да выплаты ФСЗН, падатку і розных там прафсаюзных збораў. Але з ёй яшчэ не разлічыліся за снежань.
Некаторыя ў гаспадарцы атрымалі невялікія выплаты літаральна за тыдзень да публікацыі артыкула. Большасць атрымала частку заробка (каля 30%) у выглядзе харчоў з мясцовай крамы, якая дзяржаўная і адпаведна вельмі дарагая (чорны хлеб каштуе 1,70).
У выніку ва Ўладзіславы заблакавалі тэлебачанне, пагражаюць адключыць электрычнасць, расце запазычанасць па крэдытам, камуналцы і г.д. Самае кепскае, што не так даўно Ўладзіслава перанесла аперацыю, а цяпер не можа сабе дазваоліць набыць лекі.
Ейныя словы падцвердзіла і яшчэ адна супрацоўніца «Літусава» — Святлана. Ёй выжыць у такой сітуацыі дапамагаюць дзеці, якія пераводзяць час ад часу грошы на картку.
