Супрацьпажарная служба адзначае падвышэнне пажарнай небяспекі ў лясах. Хаця, здавалася б, набліжаецца мокрая воссень і сіноптыкі рэгулярна прагназуюць дажджы, але іх не дастаткова. У выніку за мінулы тыдзень у Аршанскім і шэрагу суседніх раёнаў узровень пажарнай небяспекі падняўся з першага да трэцяга. Калі ён дойдзе да 4-га, то лясы будуць зноў зачыненыя для наведвання, што ўжо было летам.
На сёняшні дзень сярод суседніх раёнаў Віцебскай вобласці толькі ў Лёзненскім раёне застаецца першы ўзровень нбяспекі, астатнія раёны ўжо ўсе маюць трэці.
