Будынак які выстаўляецца на продаж - гэта ляднік, адзінае што засталося ад сядзібы ў Адаменках. Сама сядзіба была канфіскавана ў 1917 годзе і не перажыла камуністаў. Але і сам ляднік выглядае шыкоўна - тады ўмелі будаваць з густам. Першапачаткова ляднік як і сядзіба належыла Аляксандру Шыбека - паведамляе сайт "Народныя навіны Віцебска", але потым ён прайграў яе ў карты і маёмасць перайшла да Мікалая Хлюсціна ў якога і была канфіскаваная.
Ляднік прадаецца за адну базавую велічыню - 29 рублёў. Пры гэтым ёсць умова, што напрацягу трох гадоў дом мусіць пачаць выкарыстоўвацца ў камерцыйных мэтах. Праўда дамова дазваляе яго знесці, што было б шкада.
Ляднік - гэта дарэвалюцыйная лядоўня. Тут дзякуючы падвалам падтрымлівалася адносна халодная тэмпература і захоўваліся прадукты і лёд, які назапашваўся зімой і мог прытрымацца ў цвёрдым стане ўвесь год. Сёння такія будынкі рэдкасць. Хаця ў самой Оршы захавалася як мінімум два ледніка ў даволі харошым стане, абодва яны знаходзяцца на Заходняй.
