Сайт пракуратуры апублікаваў вынікі праверкі стану аднаго з сельгаспрадпрыемстваў Аршаншчыны. На самім сайце назву прадпрыемства схавалі за скарачэннем "ОАО Р.". Можна адзначыць, што ў Аршанскім раёне толькі адно прадпрыемства мае назву якая пачынаецца на літару Р. - Радуньскае. Але мы не будзем сцвярджаць, што гаворка ідзе менавіта пра Радуньскае.
Па выніках праверкі было выяўлена шэраг праблемаў з утрыманнем жывёлаў. Напрыклад "на МТФ С. ОАО Р." былі не адрамантаваныя дах, дзверы і сцены памяшкання з-за чаго ў кароўніку было халодна. Настолькі халодна, што вада ў паілках была замерзлая да стану ільда. А ў кароўніку "МТК З. ОАО Р." у даху была дзірка і адсутнічала частка сценкі.
Праверылі пракуроры і стан справаў у "УП М." (магчыма гаворка пра Унітарнае прадпрыемства Межава). Сайт пракуратуры гаворыць, што ў гэтым УП падзёж быдла склаў цэлых 48,9% ад усяго падзежа па раёне.
