У Віцебскай вобласці пракуратура зацікавілася сметнікамі. Праверка іх стану паказала шмат парушэнняў. І найбольш дасталося суседняму Лёзненскаму раёну. Напрыклад там выявілі перапоўненыя смеццевыя кантэйнеры і неперыядычны іх вываз. Пры гэтым самі кантэйнеры не заўсёды былі ўсталяваныя ў патрэбных месцах. Да якасці кантэйнераў таксама былі пытанні: некаторыя з іх не былі абсталяваныя крышкамі, патрабавалі рамонта, пляцоўкі для смецця самі былі засмечаныя.
У Лёзненскім і Дубровенскім раёнах знаходзілі такое смецце якое не падлягала захоўванню ў зямлі.
У Аршанскім раёне праукуроры гавораць толькі пра адно парушэнне: у нас смецце звозілася ў тым ліку на зачыненыя міні-палігоны.
