Нагадаем, што ў самым канцы мінулага месяца ў Шклове адбылася трагедыя. Дастаўлены на допыт падазраваны ў крадзяжы бензапілаў мужчына наўмысна ці выпадкова падпаліў сябе і міліцыянта які вёў допыт. Мужчына згарэў на месцы, а міліцыянту аказалі медычную дапамогу, якая не дапамагла - ён у выніку памёр.
Учора прыйшла навіна, што з-за мёртвага міліцыянта ў Беларусі можа пачацца чарговая хваля арыштаў, падобная на тую, якая была пасля забойства супрацоўніка КГБ, які ўваходзіў у групу затрымання праграміста Зэльцэра. Прычына тая самая - абразлівыя каментары ў дачыненні да забітага. Заблакаваная на тэрыторыі Беларусі "Наша Ніва" паведамляе, што за абразлівы каментар быў затрыманы 22-гадовы Раман Дзергачоў. Зараз ён адбывае адміністратыўны арышт.
