Не толькі Аршыца і Днепр растуць і выходзяць са сваіх берагоў. 23 сакавіка, як паведамляе МНС, падтапленне адбылося ў суседнім Лёзненскім раёне. Тут разлілася невялічкая рака Ардышэўка каля вёскі Кучыншчына. З-за разліву ракі непрыемнасці з'явіліся ў жыхароў названай вёскі. Бо рака падтапіла і без таго не ідэальную дарогу ў вёску. Ратавальнікі паведамляюць, што вадой заліло парадку 8 метраў дарогі і мясцовы мост. Але пакуль у вёску праехаць можна.
Гэты ж самы мост затапляўся ў гэтым годзе ў студзені - тады цёплае надвор'е таксама прывяло да разліву мясцовых рэкаў.
