Кастусь Севярынец меў прамое дачыненне да Аршаншчыны. У Пагосце ён працаваў дырэктарам васьмігодкі. У 1979 пайшоў у журналістыку, а таксама займаўся літаратурай.
Аўтар пяці зборнікаў крымінальных артыкулаў, зборніка выбранай лірыкі «Пакуль дышу», кніжкі дзіцячых вершаў «Там, где радуга живет». Перакладаў у суаўтарстве з Іванам Чаратой для беларускіх часопісаў і анталогіяў сербскахарвацкіх паэтаў Мамчыла Джэркавіча, Дэсанку Максімавіч, Скендэра Куленавіча, Ёвана Яванавіча-Змая ды іншых. Аўтар лепшага перакладу на беларускую мову песні Аляксандра Рыбака «Казка».
Двое дзяцей Кастуся Севярынца сталі вядомымі — Павел вядомым палітыкам, цяпер ён палітвязень, і Ганна — вядомай літаратуразнаўцай.
Кастусь Севярынец памёр у 2021 годзе 1 кастрычніка ад ускладненняў, звязаных з каранавірусам. Яго пахавалі ў роднай вёсцы Унорыца ў Рэчыцкім раёне на Гомельшчыне. Там цяпер з’явіўся помнік пісьменніку. Наперадзе Радаўніца.
