Штогод на частку лета, на частку раёнаў краіны ўводзіцца забарона на наведванне лясоў. Звязана гэта з сухім надвор'ем, якое стварае небяспеку лясных пажараў. Хаця вясна сухой не была, дастаткова вялікі лясны пажар ужо быў зафіксаваны ў Касцюковіцкім раёне, а гэта зона адсялення пасля Чарнобыльскай катастрофы.
На мінулым тыдні частковыя абмежавнні на наведванне лясоў была ўведзена ў Гродненскай вобласці. Аршанскі раён пакуль не ў спісе, як і іншыя раёны Віцебскай вобласці. Але забарона падкралася да самай мяжы нашага раёна. Сёння ўведзена поўная забарона на наведванне лясоў у 11 раёнах Магілёўскай вобласці. Сярод "забароненых" і суседні Шклоўскі раён.
