Дзіцёнку ўсяго толькі адзн год і 8 месяцаў. Разам з бацькамі ён жыве ў Дубровенскім раёне. І бацькі не даглядзелі як малы пацягнуў у рот роную дрэнь - такое бывае, малышы звычайна пазнаюць свет і прадметы вакол на смак. Але дадзены выпадак быў зусім не звычайны. Такі незвычайны, што дубровенскія дактары пасля звароту да іх не рашыліся самі заняцца справай, не далі заняцца і аршанскім суседзям. Хлопчыка накіравалі ў Віцебск і ўжо абласныя дактары былі шакаваныя ад таго, што знайшлі пад час аперацыі ў дзіцёнка ў страўніку. А ў страўніку выявілі: дзве плоскія батарэйкі, ажно 16 магніцікаў і нават шуруп.
Цяпер малому нічога не пагражае, акрамя большага дагляду бацькоў, але перажыць аперацыю на ўнутраных органах у такім узросце - не самы прыемны пачатак жыцця.
