На днях прэзідэнт Украіны Ўладзімір Зяленскі падпісаў новы санкцыйны спіс расейскіх і беларускіх прадпрыемстваў. Здавалася б, міжнародная палітыка толькі ўскосна тычыцца Аршаншчыны, але ў дадзены спіс патрапіла два прадпрыемствы з Аршанскага раёна.
Гаворка ідзе пра Аршанскі авіярамонтны завод, які знаходзіцца ў Балбасава і бараньскае прадпрыемства «Тэхніка сувязі». Як гэта можа паўплываць на наше жыццё? У кароткатэрміновай перспектыве аніяк. З-за падтрымкі Расеі ў вайне ва Ўкраіне, Беларусь і так страціла магчымасць гандляваць з паўднёвым суседам, што прыносіла мільярды даляраў абароту. І сёння наша краіна нічога не можа прадаць туды.
А ў доўгатэрміновай перспектыве шкода можа быць. Па-першае, санкцыі доўга прымаюцца, а яшчэ даўжэй адмяняюцца. Таму пасля сканчэння вайны і — пакуль не прадказальнай — змены палітычнай сітуацыі гэтыя прадпрыемствы (агулам у сёняшні спіс патрапіла 20 дастаткова буйных беларускіх прадпрыемстваў) яшчэ доўгі час не змогуць пайсці на рынак Украіны. Па-другое, ва Ўкраіны сёння такі міжнародны аўтарытэт, што санкцыі чыста украінскія могуць дастаткова хутка перарасці ў санкцыі міжнародныя, а тады могуць быць доўгатэрміновыя праблемы з камплектуючымі.
