Знашоў гэты артэфакт глыбоцкі краязнаўца Кастусь Шыталь, які цяпер знаходзіцца ў палітычнай эміграцыі, але працягвае свае даследванні. На адным з польскіх аўкцыёнаў яму патрапіўся фотаздымак Сененскага касцёла, які раней нідзе не публікаваўся. Уладальнік фотаздымка прасіў за яго вялікую суму, а для Кастуся ён быў не прынцыпова важны. Тым не менш у самім Сянне знайшоўся неназваны чалавек, які пагадзіўся выкупіць рэдкі здымак. І цяпер ён на шляху ў Сянно.
Чым каштоўны фотаздымак? Па-першае, з гэтага ракурса стары будынак касцёла мы яшчэ не бачылі. Менавіта так выдатна бачныя маштабы касцёла, ён сапраўды гіганцкі для такога маленькага мястэчка, якім было Сянно ў пачатку
Касцёл у Сянно быў пабудаваны незадоўга да падзелу Рэчы Паспалітай — яго асвячэнне адбылося ў 1772 годзе. А ўзарваны ён быў камуністамі ў апошнюю хвалю барацьбы з рэлігіяй — у 1962 годзе. Сёння ў райцэнтры ёсць зменшаная копія таго вялікага касцёлу, копія была асвечана ў верасні мінулага года.
