Паводле закона вакол кожнага помніка архітэктуры павінна быць так званая "ахоўная зона" - месца дзе разнастайныя зямельныя работы павінны весціся пад кантролем. Гэта лагічна, бо вакол старых будынкаў ёсць культурніцкі слой у якім могуць знаходзіцца археалагічныя артэфакты ды ў залежнасці ад відаў работаў можна пашкодзіць сам помнік. Але толькі нядаўна па краіне сталі распрацоўваць гэтыя "ахоўныя зоны".
Нарэшце сваю зону бяспекі атрымаў самы значны помнік cуседняга Дуброўна - бернардзінскі манастыр. Манастыр на гэтым месцы з'явіўся яшчэ ў 1630 годзе, а сёняшні будынак ўзведзены ў 1809 годзе. Да 90-х гадоў у ім працавала мясцовая школа №1, а цяпер будынак пустуе.
