У матчы 32-га туру чэмпіянату Беларусі сярод каманд Першай лігі футбольны клуб «Ворша» сустрэўся ў гасцях з «Віцебскам». Пасьля галоў Варданяна і двух ад Тэверава аршанцы саступалі безнадзейна 0:3.
Але футбол прыносіць сюрпрызы. Аршанцы сталі інтэнсіўна атакаваць, прэтэндавалі на пенальці, які суддзя не паставіў, прабілі ў штангу. І нарэшце на 82-й хвіліне Мікіта Закрэўскі адгуляў адзін мяч. Затым аршанцы мелі яшчэ моманты, і на 90+1 забіў нападнік Уладзіслаў Фядосаў.
На жаль, часу забіць трэці гол у аршанцаў ужо не было. Параза 2:3, але матч пакінуў збольшага прыемныя ўражанні, адзначаюць на форумах аршнаскія заўзятары.
Наступны матч каманда Ігара Чумачэнкі правядзе з «Жодзінам-Паўднёвым».
