На гэты раз на 15 сутак быў асуджаны Ігар Туранскі - чыгуначнік, які працаваў (відавочна, што яго цяпер чакае звальненне) прыёмшчыкам цягнікоў. У яго ў інстаграме міліцыянты знайшлі падпіскі на некалькі акаўнтаў, якія прызнаныя экстрэміцкімі. За гэтыя падпіскі суддзя Юлія Вяршыніна аудзіла яго на 15 сутак. Тэрмін па сёняшніх часах не вялікі. Магчыма, спрацавала тое, што Ігар - бацька малалетняга сына.
Дарэчы, арыштоўвалі Туранскага былыя калегі. У пачатку 2000-х мужчына сам працаваў у міліцыі, быў участковых у раённай міліцыі яшчэ да аб'яднання горада і раёна. Прыблізна ў 2004 годзе мужчына звольніўся і пайшоў працаваць на чыгунку.
