На сваім полі аршанцы сёлета згуляюць апошні раз. У нядзельным матчы, 19 лістапада, «Ворша» прыме «Жодзіна-Паўднёвае». Наша каманда знаходзіцца на 14-м радку табліцы, а вось госці, якія наведаюць горад, ідуць на 8-й пазіцыі.
Перад матчам пачалі курсаваць чуткі аб тым, нібыта галоўны трэнер аршанцаў Ігар Чумачэнка ў наступным годзе ўзначаліць віцебскі «Вялес». Аднак канкрэтыкі ў гэтай справе пакуль няма. Клуб пакуль афіцыйна не абвяшчаў пра хуткую змену трэнера.
Матч з «Жодзінам-Паўднёвым» на гарадскім стадыёне Воршы пачнецца а 15-й гадзіне.
Перад гульнёй афіцыйны канал каманды падрыхтаваў невялічкае відэа са стадыёну.
