Арандатарам аэрадрому «Брэміна» пад Воршай быў уладальнік лагістычнага тэрміналу, набліжаны да Аляксандра Лукашэнкі прадпрымальнік-алігарх Аляксандр Зайцаў. Але заходнія краіны «ўключылі» санкцыйны рэжым супраць набліжаных да рэжыму людзей, і аэрадром апынуўся пад санкцыямі. Каб вывесці яго з-пад іх, улады перадалі актыў новай юрыдычнай асобе.
Гэтай юрыдычнай асобай стала Таварыства з абмежаванай адказнасцю «Алис Ма», якому і перадалі правы арандатара. А фактычна, як сцвярджае арганізацыя «Рабочы Рух» у спецыяльным расследаванні пра Зайцава, ксёндз Лашук, уладальнік гэтага ТАА, перадаў яго ў рукі таго ж Зайцава, апасродкавана.
Такім чынам, справы ў Болбасаве ў руках Лашука дэ-юрэ, але дэ-факта, як гаворыць «Рабочы Рух», арэнда аэрадрому — пад Зайцавым.
Зайцаў у лістападзе 2022 стаў рыцарам Ордэну Святога Георгія. Пра ўручэнне Ордэну хадайнічаў сам Лашук. Ёсць звесткі, што яны знаёмыя больш за 13 гадоў.
