Хакеісты «Лакаматыву» саступілі ў вырашальным матчы за месца ў 2-й фазе першынства Рэспублікі Беларусь. У стыкавай серыі з наваполацкім «Хімікам» аршанцы саступіла 1-2. Вырашальны матч адбыўся напярэдадні ў Наваполацку. Шайбаў у паядынку не было працяглы час, і толькі за 13 секундаў да першага перапынку «Хімік» адкрыў лік.
У другім перыядзе ў браму «Лакаматыву» прыляцела яшчэ тры шайбы, на што сіня-аранжавыя адказалі толькі адной у выкананні Грыня.
Трэці перыяд «Лакаматыў» згуляў лепей, Чарноў, Ігнатаў і Бовін закінулі шайбы, лік стаў нічыйным 4:4. Аднак за 6 хвілін да канца навапалачанін Зямлянкін прынёс «Хіміку» перамогу 5:4 у матчы і 2-1 у серыі.
Пасля матчу галоўны трэнер «Лакаматыву» Ігар Жылінскі адзначыў, што нічога асабліва каментаваць яму не хочацца. На думку спецыяліста, вырашаць лёс паядынку ў такіх выпадках павінны хакеісты.
«Хімік» ідзе далей, у першай серыі 2-й фазы ён сустрэнецца з лідэрам рэгулярнага чэмпіянату «Шахцёрам» з Салігорску. «Лакаматыў» на гэтым сваю барацьбу завяршыў.
