Працягваем глядзець статыстыку па колькасці насельніцтва ў нашым рэгіёне. Як мы пісалі раней, амаль паўсюль за выключэннем Арэхаўска ў нашым рэгіёне - па дадзеных Белстата - адбылося змяньшэнне колькасці насельніцтва. Яшчэ адно выключэнне - Дуброўна. Адразу агаварымся, што мы зараз будзем гаварыць толькі пра гарады. Той жа Арэхаўск не мае статуса горада. Дык вось, Дуброўна не толькі выкл.чэнне на Аршаншчыне, а і па ўсёй краіне.
Увогуле па краіне знайшлося толькі 23 гарады дзе насельніцтва павялічылася, але на агульным фоне гэта не значна. Так, у Лідзе насельніцтва вырасла на 1 чалавека і гэта дае магчымасць гораду патрапіць на 23 месца сярод гарадоў дзе насельніцтва вырасла. Найбольш вырасла насельніцтва ў Гродна і Брэсце - яны выраслмі крыху больш за 2.000 чалавек. Яшчэ 5 гарадоў выраслі больш на сто і больш чалавек, але меньш за тысячу.
Дуброўна па росту гарадоў можна паставіць на 19-е месца. Тут колькасць людзей павялічылася на 20 чалавек. Праўда, адносна агнульнай колькасці - гэта ўсяго толькі 0,3%. Але ўлячваючы, што па ўсёй краіне колькасць насельніцтва зніжаецца дастаткова хуткімі тэмпамі, то гэта можна назваць поспехам.
