Мястэчка Коханава моцна зменьшылася ўсяго толькі за адзін год. Моцна - гэта крыху больш чым на паўтысячы чалавек. Калі ў мінулым годзе Белстат казаў пра 4.231 чалавека, якія жывуць у Коханава, то цяпер 3.727, то бок мінус 504 чалавекі! Толькі за адзін год адсюль выехала (а таксама памерла) восьмая частка ўсяго мястэчка.
У параўнанні з Коханава, у райцэнтры Талачынскага раёна ўсё не так ужо і кепска. Тут змяньшэнне насельніцтва ўсяго на 35 чалавек - было 9.691, тала - 9.666 чалавек.
Але калі ўзяць лічбы Белстата па ўсім раёне, то складаецца адчуванне, што вясковае насельніцтва ў раёне магло трохі вырасці. У мінулым годзе налічвалася 22.218, а ў гэтым - 21.800. То бок, гэта ўсё адно змяньшэнне, але прыблізна на 400 чалавек. Улічваючы, што Конава зменьшылася прыблізна на 500 чалавек, значыцца, каля ста чалавек прыплюсавалася. Магчыма, за кошт вёсак.
