Рашэнне ўладаў рэгуляваць цэны негатыўна адбілася ў першую чаргу на гандлёвых прадпрыемствах, але, як аказваецца, дасталося і вытворцам. Нядаўна стала вядома, што ў красавіку было аштрафаванае Забалацкае прадпрыемства Радуньскае. Штраф Віцебскі Эканамічны суд выпісаў менавіта за завышэнне коштаў. Як вядома з пастановы суда, апублікаванай у адкрытых крыніцах, у пачатку года прадпрыемства прадавала яблыкі з 10 студзеня па 17 студзеня (усяго адзін тыдзень) па кошце вышэйшым чым хацела б дзяржава. Адзін гатунак яблыкаў "Радуньскае" прадавала па цане 1,20 за кілаграм пры патрэбным - 1,13. Другі прадавала па 1,40 замест 1,39 (розніца ў адну капейку), трэці гатунак па 1,10 замест 0,82. Па падліках эканамічнай міліцыі, у выніку такога завышэння прадпрыемства дадаткова зарабіла крыху больш за 211 тысяч рублёў.
Суд быў не жорсткім. Суддзі ўлічылі, што прадпрыемства знаходзіцца ў цяжкай фінансавай сітуацыі і ўвогуле па вушы ў пазыках. Таму штраф быў выпісаны ў памеры 422,64 рублі.
