Футбалісты «Воршы» развіталіся з розыгрышам Кубку Беларусі на стадыі 1/16 фіналу, як традыцыйна і адбываецца ў апошнія гады, з рэдкім выключэннем. Аршанцы прапусцілі хуткі гол ад «Арсеналу» са свабоднага ўдару на самым пачатку паядынку. Затым прапусцілі незадоўга да перапынку.
Варта адзначыць, што небяспечных момантаў наша каманда амаль не стварыла за цэлую гульню. На 68-й хвіліне каманду падвёў Станіслаў іршаў. Расейскі абаронца зарабіў другую жоўтую картку і быў выдалены з поля. Далей у паядынку аршанцы лічаныя разы набліжаліся да брамы каманды з Дзяржынску. На замену з’явіўся і 40-гадовы Мікалай Кітаёў, гэта першая сустрэча трэнера ў полі ў гэтым сезоне. І, магчыма, апошняя, паколькі на сустрэчы чэмпіянату ён не заяўлены.
На 90-й хвіліне аршанцы прапусцілі яшчэ раз. Лік буйны, 0:3, і «Ворша» развітваецца з розыгрышам. Зрабіць падарунак сваім заўзятарам дружыне не ўдалося, далей крочыць «Арсенал».
