На гэтым тыдні, як ужо паведамляў наш сайт, на 63-м годзе памёр старшы трэнер футбольнага клубу «Ворша» Аляксей Шубянок. Развітанне з ім і пахаваньне знанага футбольнага адмыслоўца прайшло ў Слоніме, якому ён прысвяціў большую частку кар’еры трэнера і дамогся найбольшых поспехаў.
На пахаванне ў Слонім прыехалі прадстаўнікі «Воршы» і некаторыя заўзятары каманды. Аляксей Шубянок працаваў з нашай камандай з лютага 2023 году і сваім досведам дапамагаў у трэнерскім штабе Мікалаю Кітаёву.
На бліжэйшую гульню першынства футбалісты «Воршы» выйдуць з чорнымі павязкамі ў памяць трэнера.
