1 жніўня, а 17-й гадзіне на бабруйскім стадыёне «Спартак» адбудзецца паядынак мясцовай «Белшыны» і «Воршы». Аршанцы на гэты момант маюць на адзін праведзены матч больш і на 2 пункты меней. Перамога ў Бабруйску замацуе аршанцаў у першай палове табліцы, чаго бы вельмі хацелі заўзятары нашага клубу.
Напярэдадні гульні паўабаронца «Воршы» і яе верхавод, віцэ-капітан Дзмітрый Тамэла расстаўся з наваполацкім «Нафтанам» і падпісаў паўнавартасны прафесійны кантракт з «Воршай». Раней ён выступаў за стартаўцаў на дамове арэнды, паведаміў афіцыйны канал «Воршы» ў тэлеграме.
Аршанцы згуляюць з бабруйчанамі 24-ю сустрэчу. Раней значна часьцей перамагала «Белшына», у яе 15 вікторый супраць 3 у аршанцаў. Усе папярэднія афіцыйныя сустрэчы стартаўцаў і шыннікаў успомніла «Радыё Аршыца».
Квіток для дарослых на бабруйскім стадыёне будзе каштаваць 4 рублі, для дзяцей 2 рублі, для дзяцей да 6 гадоў уваход задарма, напісала афіцыйная старонка «Белшыны».
Якраз пра гульню са зборнай Бабруйска orsha.eu нядаўна выпусціла відэа.
