У 17-м туры першынства Беларусі ў футболе «Ворша» адправілася ў Бабруйск на сустрэчу з «Белшынай». Чакалася вялікая бітва, бабруйчане зусім не нашмат апярэджвалі аршанцаў у турнірнай табліцы.
На вялікі жаль, сапраўднай бітвы не атрымалася. «Белшына» тварыла на полі тое што хацела. Яна проста разграміла аршанцаў. Самы актыўны ўдзел у разгроме ўзялі колішнія футбалісты самой «Воршы» — нападнік Уладзіслаў Кабачэўскі аформіў дубль, а паўабаронца Вадзім Бальбух зрабіў галявую перадачу. Такім чынам, тры з пяці галоў маюць аўтарства гульцоў, якія да нядаўняга часу самі выступалі ў Воршы.
Аршанцы нічога не здолелі супрацьпаставіць суперніку і зазналі фіяска 0:5, не паследавала ніводнага голу ў адказ.
Першае кола І лігі завершана. Месца аршанцаў па яго выніках высветліцца крыху пазьней, калі скончацца ўсе паядынкі 17-га туру.
