Штогадовыя археалагічныя раскопкі на Крывінскім тарфяніку прынеслі прыемную знаходку. Тарфянік знаходзіцца на мяжы Сененскага і Бешанковіцкага раёнаў, і ў перыяд неаліту, прыблізна тры тысячы гадоў да нашай эры тут было паселішча чалавека. Неаліт у нас асацыюецца з каменнымі прыладамі. Насамрэч, людзі тады выкарыстоўвалі шмат розных матэр'ялаў, але да нас дайшлі пераважна каменныя прылады, бо яны лепш захоўваюцца. Скура, дрэва ды іншыя матэр'ялы ў нашай зямлі столькі часу не жывуць. Таму Крывінскі тарфянік важны для археолагаў - у торфе гэтая арганіка захоўваецца лепш.

І ў гэтым годзе была знойдзена менавіта такая каштоўная знаходка. Гаворка ідзе пра драўляны коўшык са скульптурай качкі на яго ручцы. Коўшык яўна рабіўся з дапамогай каменных прыладаў, але быў зроблены вельмі якасна - на ім мала слядоў апрацоўкі. Знайшлі яго з дапамогай падовднай археалогіі, якая ў Беларусі пачала развівацца дастаткова нядаўна. Коўшык разваліўся на некалькі частак пасля таго як яго дасталі з вады. Тым не меньш, рэстаўратары ўпэўненыя, што яго можна аднавіць і захаваць для вывучэння і музеефікацыі.

Яшчэ адна цікавая знаходка - гліняная сякера. Яна не магла выкарыстоўвацца для працы або палявання. Адпаведна, выкарыстоўвалі яе або ў рытуалах, або як дзіцячую цацку.