Сёлета рашэннем федэрацыі футболу краіны ў Першую лігу футбольнага першынства краіны, дзе выступае «Ворша», заявілі юнацкую зборную Беларусі, сабраную з гульцоў, не старэйшых за 17 гадоў.
У першай сустрэчы ў чэмпіянаце аршанцы толькі дзякуючы дублю Дзмітрыя Тамелы здолелі перабіць гол супернікаў і выгулялі матч 2:1. Але тое было ў першым коле. У другім коле, цяпер, на аршанскім стадыёне, блакітна-чорныя не адчулі ніякіх цяжкасцяў.
Першы гол у сустрэчы правёў Іван Верас, які ўпершыню вызначыўся за наш клуб. Перадачу аддаваў Аляксей Чарнадараў, якога ў нядаўнім інтэрв’ю галоўны трэнер каманды Мікалай Кітаёў назваў «маторам каманды». Другі гол правёў Антон Шэпелеў на 62-й хвіліне.
Перамога «Воршы» 2:0, наша каманда застаецца на 11-м радку турнірнай табліцы.
