Будынак кляштару бернардынцаў у Дуброўне не ўдалося прадаць на таргах 2 снежня — пакупніка на будынак не знайшлося. Пра гісторыю гістарычнага помніка, яго значэнне і розныя ролі будынка ў розныя перыяды Orsha.eu пісаў у асобным матэрыяле.
Відавочна, у цяперашняй Беларусі нават многія з тых, хто хацеў бы купіць гістарычныя будынкі, не ўпэўненыя, што ў іх не адбяруць набытак. Такі шлях прайшлі ўжо многія аматары сярэднявечча і іншых эраў беларускай гісторыі.
Гэтым разам дзяржаўная арганізацыя «Віцебскаблмаёмасць» на 50% знізіла пачатковую цану на таргах. Цяпер будынак выстаўлены за 185 500 рублёў. Новыя таргі ўжо 19 снежня.
