На сваёй пляцоўцы аршанскі «Вітэн» перамог у 15-м туры менскі «Дарожнік». Лік гульні знішчальны для гасцей, «энергетыкі» не проста перагулялі суперніка, а з буйным лікам.
Тры галы Разуванава, галы Жыгалкі, Рагавіка, Лазюка, Пераміціна, Рабыкі, Балдзіна і Браднёва прынеслі «Вітэну» перамогу 10:0. Прыезджыя чырвона-зялёныя нічога не змаглі проціпаставіць аршанцам.
Яўгена Балдзіна прызналі найлепшым гульцом сустрэчы.
Такім чынам, пасля 15 тураў «Вітэн» мае 37 пунктаў — больш за ўсіх. На другую пазіцыю нечакана выйшла «Ахова-Дынама», у сталічнага калектыва 35 пунктаў. Замыкае тройку гомельскі ВРЗ, які мае 34 пункты. Аршанскі клуб мае вялікія шанцы трапіць у другі этап змаганняў з першага месца.
