Сустрэча адбылася ў віцебскім футбольным манежы на вуліцы Люднікава. Абедзьве каманды зараз рыхтуюцца да новага сезону. Але выступаюць яны ў розных лігах. Калі «Ворша» рыхтуецца да І лігі, матчы якой стартуюць 28 сакавіка, тады «Гомель» да гульняў элітнага дывізіёну, які пачнецца раней.
Падобныя гульні пры любым выніку ідуць на карысць — усё ж аршанцы процістаялі камандзе больш высокага класу. Першая палова аказалася вельмі складанай, і блакітна-чорныя прапусцілі тры галы. Але ў другой здолелі не прапусціць наогул, а самі загналі гол з карнага ўдару на 80-й хвіліне. Вызначыўся Дзмітрый Тамэла, які нядаўна падпісаў з нашым клубам новы кантракт.
Пара 1:3, прыдбаны досвед, і аршанцы працягваюць рыхтавацца да новага сезону.
