Працягваецца першынство Беларусі ў хакеі з шайбай у рамах Экстралігі. На жаль, ужо без аршанскага «Лакаматыва». У чацвертым паядынку серыі «чыгуначнікі» прагулялі «Юнацтву» 1:4.
Адзіную шайбу ў аршанскай каманды закінуў Аксянцюк, які нярэдка меў галявыя поспехі ў гэтым сезоне. Аднак цяпер ягоная шайба істотна на хаду паядынку не паўплывала. «Юнацтва» перамагае ў серыі 4-0 і спакойна праходзіць у паўфінал, для «Лакаматыва» сезон скончаны.
Галоўны трэнер «Юнатцва» Сяргей Стась пахваліў сваю каманду за гульню, адзначыўшы, што гэтая сустрэча была найлепшай у серыі для ягоных падапечных. Галоўны трэнер «Лакаматыва» Ігар Жылінскі панаракаў на тое, што ягонаму клубу так і не ўдалося «зачапіцца за нейкую перамогу» ў гэтай серыі. Ён падкрэсліў, што гэтым разам памылкі дапусцілі маладыя гульцы. Дружыне не хапіла сілаў і майстэрства.
