Аршанскі велагоншчык Руслан Кітаёў, дыскваліфікаваны за допінг на 2 гады, прымаў карфедон, які па-іншаму называецца фантурацэтамам і фенатрапілам. Гэты прэпарат можа аказваць уплыў і стымулюючы эфект на рухавыя рэакцыі чалавека, а таксама павышае ягоную працаздольнасць. Гэта не новы прэпарат у свеце спорту - раней на ім трапляліся і іншыя спартоўцы.
Руслан Кітаёў стаў вядомым яшчэ ў 2011 годзе, калі заваяваў срэбраны медаль у гонцы на шашы на чэмпіянаце Беларусі ў Мазыры. Аршанец удзельнічаў у прэстыжных велагонках у Латвіі, Румыніі, Расеі, Польшчы, Італіі, Вугоршчыны, Чэхіі. Асабліва высокіх месцаў не займаў праз тое, што быў у камандзе не вядучым гоншчыкам, а дапамагаў лідэрам дабівацца поспеху, працаваў на каманду. Дадзеныя функцыі вельмі высока цэняцца ў веласпорце.
