У 6-м туры чэмпіянату Беларусі ў 1-й лізе "Орша" на Гарадскім стадыёне прыме "Крумкачоў". Менская каманда існуе толькі другі год, летась менчукі разам з "Оршай" падняліся з 2-й лігі ў 1-ю. У мінулым сезоне "сіня-белым" так і не ўдалося перамагчы маладую каманду. Ад ёй аршанцы пацярпелі адзіную паразу за сезон 0:1, а ў апошнім туры была нічыя 0:0. Праўда, менавіта тыя нулі на табло дазволілі абодвум клубам павысіць свой статус.
На дадзены момант "Крумкачы" займаюць 10-е месца, "Орша" 14-е. Гульня пройдзе 24-га траўня на Гарадскім стадыёне і пачнецца а 17.00. Наш сайт па традыцыі правядзе ан-лайн трансляцыю сустрэчы.
