У Оршы 27 і 28 чэрвеня адбыўся 4 этап чэмпіянату і першынства Беларусі па аўтакросе. Траса на Куцейне ўжо стала традыцыйнай для такіх спаборніцтваў, таму аршанскія аматары дадзенага віду спорту чакалі гонак з нецярпеннем. Сёлета гонкі былі экстрымальнымі як ніколі, шмат аварый, спыненняў машын. У дывізіёне "Д-1" перамогу атрымаў віцеблянін Андрэй Грыгор'еў, аршанец Віталь Дудараў быў 4-м. Дывізіён "Нацыянальны-2000" выйграў прадстаўнік РСТК ДТСААФ Аляксандр Стэфановіч, "Д-1 - Юніёр" - гоншчык каманды "Mastercross" Ілля Бакуноў.
Багатым на ўдзельнікаў быў дывізіён "Д-2", адразу 19 чалавек выйшлі на старт, але скончылі дыстанцыю толькі 15 чалавек. Вадзім Гарбузаў з Віцебску не меў роўных, прадстаўнік Аршанскага вагоннага дэпо Глеб Дзямешчанка фінішаваў 9-м, на самым старце ў аршанца заклініла рэдуктар. Барысаўчанін Дзмітрый Дубянец выйграў клас "Багі Д-3 Спрынт", Сяргей Купцоў з "Оршатэхкамплекту" стаў 8-м.
Фінальны этап адбудзецца 1-2 жніўня ў Навалукамлі.
Фатаграфіі з сайту abw.by.
А вось відэазапіс адной з аварыяў.
