У Беларусі адбыўся чэмпіянат краіны па паўэрліфцінгу па суме трохбор'я. У катэгорыі звыш 120 кілаграмаў, звычайна, было найбольшае відовішча. Гледачы чакалі, што нехта са спартоўцаў нарэшце набярэ суму ў 1 тону. Найбольшыя надзеі ў такіх спадзяваннях падаваў аршанец Вадзім Ганчаронак, які дагэтуль узнімаў над сабой 987,5 кг. І паўэрліфцер з Оршы не падвёў!
Узважванне паказала: Ганчаронак важыць 155 кг, ягоны супернік Дзмітрый Вінакураў 105,5 кг. У прысяданнях Ганчаронак бярэ вагу 380 кг, у жыме лежачы ён бярэ вагу ў 300 кг. Потым апошні від трохбор'я - станавая цяга. Ганчаронак у першай жа спробе бярэ 320 кг і дасягае па суме 1 тоны! Каб выйграць абсалютнае першынство, Ганчаронку трэба было ўзяць 360 кг, аднак не атрымалася. У выніку 2-е месца ў абсалютным першынстве, але неверагодны рэкорд, званне першага чалавека ў Беларусі, які падняў тону ў суме трохбор'я!
