Перад гульнёй у адказ стадыі 1/16 фіналу Кубка Беларусі не было ніякіх сумневаў, што "Орша" не здолее прабіцца ў 1/8 фіналу, бо дома каманда прайграла жодзінскаму "Тарпеда" 0:5. Былі спадзяванні толькі на прыгожую гульню. На жаль, яны не тое што не спраўдзіліся, а наадварот - аршанцы правялі найбольш ганебны матч у сезоне, а можа і ва ўсёй гісторыі. "Сіня-белыя" саступілі 1:11.
Няма сэнсу апісваць перыпетыі сустрэчы. Адзначым толькі, што нападнік аўтазаводцаў Дзмітрый Платонаў забіў цэлых тры мячы, хаця правёў на полі толькі адзін тайм. Адзіны гол "Оршы" на 27-й хвіліне з пенальці забіў Уладзіслаў Знак.
Склад "Оршы": Гудзенка, Шарыпа, Данілкоў (к), Саколка, Ганіч, Знак, Суздальцаў, Данілковіч, Казарын, Кісялёў, Усачоў.
На замены выходзілі: Навічкоў, Малафееў, Пракапенка, Асіпенка.
