Адбыўся першы міжсезонны пераход, звязаны з футбольным клубам "Орша". Абаронца Міхаіл Бабічаў падпісаў кантракт з "Віцебскам". У "Оршы" футбаліст з'явіўся ўлетку 2015 года і за паўсезоны паспе правесці ў сіня-белай футболцы аршанскага клуба 8 матчаў, у якіх зрабіў галявую перадачу і атрымаў жоўтую картку.
Раней Бабічаў выступаў за расейскі "Рубін" з Казані і італьянскі клуб "Крас". Цікава, што 20-гадовы футбаліст увогуле не ўжывае алкаголю, а таксама ў свой час адкрыта заявіў, што адмовіцца ад любой прапановы выступаць за зборную Расеі, бо хоча гуляць выключна за Беларусь.
